Татарстан Республикасында Казан районара табигатьне саклау прокуратурасы таләбе нигезендә су белән тәэмин итү чыганакларын санитар яктан саклауның 65 зонасы буенча чикләре билгеләнде

Казан районара табигатьне саклау прокуратурасы җир асты байлыкларыннан файдаланучылар эшчәнлегендә табигатьне саклау һәм санитария-эпидемиология законнарының үтәлешен тикшерде

Татарстан Республикасы территориясендә 75 оешманың суны, халыкны эчә торган һәм хуҗалык-көнкүреш сулары белән тәэмин итү максатларында, су алу җайланмаларын санитар саклау зоналарының билгеләнгән чикләре булмаган килеш, үз ихтыяҗлары өчен файдалануы ачыкланган

Санитар саклау зоналары чикләре эчә торган һәм хуҗалык-көнкүреш сулары белән тәэмин итү өчен файдаланыла торган су объектлары өчен билгеләнә. Санитар саклау зонасы өч поястан тора. Беренчесе су алу, барлык суүткәргеч корылмалары мәйданчыгы территориясен үз эченә ала. Аның максаты - су алу урыны һәм су алу корылмаларын пычратудан һәм зарарланудан саклау. Беренче пояс кысаларында агынты суларны агызу, торбаүткәргечләр төзү һәм салу, химикатлар һәм ашламалар куллану тыела.

Икенче һәм өченче пояслар – суның пычрануын кисәтү максатларында билгеләнгән чикләүләр поясы. Алар территориясендә зиратлар, үләт базлары, терлекчелек һәм кошчылык предприятиеләре булдыру рөхсәт ителми.

Табигатьне саклау прокуроры карарлары нигезендә, гаепле юридик һәм вазыйфаи затлар административ җаваплылыкка тартылган, оешма җитәкчеләре адресына закон бозуларны бетерү турында күрсәтмәләр кертелгән.

Ирекле рәвештә закон бозуларны бетермәгән 40 предприятиегә прокуратура дәгъва гаризалары биргән. Прокурор таләпләрен суд тулысынча канәгатьләндергән.

Мәсәлән, «Казан»"халыкара аэропорты» АҖ эшчәнлеген тикшерү барышында эчәргә яраклы һәм хуҗалык-көнкүреш сулары белән тәэмин итү чыганагының санитар саклау зоналары чикләре расланмаган. Бу суны дөрес файдалануны тәэмин итәргә мөмкинлек бирми һәм чикләнмәгән даирәдәге затларның тормышына һәм сәламәтлегенә куркыныч тудыра.

Ачыкланган җитешсезлекләрне бетерү максатыннан, оешмага карата прокурор реакциясе чаралары күрелде. Прокурор карары нигезендә, гаепле вазыйфаи затларга Административ хокук бозулар турында ТР кодексының 6.3 статьясы буенча штраф билгеләнеп, административ җаваплылыкка тартылды.

Санитар саклау зонасы прокурорының дәгъва гаризасы буенча эчәргә яраклы су белән тәэмин итү чыганагы раслана һәм Күчемсез милекнең бердәм дәүләт реестрына кертелә.

Прокурор йогынтысы чаралары нәтиҗәсендә, хәзерге вакытта Татарстан Республикасы Экология һәм табигать ресурслары министрлыгы эчәргә яраклы су һәм хуҗалык-көнкүреш сулары белән тәэмин итү чыганакларының санитар саклау буенча 65 зонадагы чикләре расланган.

Дәүләт теркәве, кадастр һәм картография федераль хезмәтенең Татарстан Республикасы буенча идарәсе аларның чикләре турында мәгълүматларны Күчемсез мөлкәткә хокукларның бердәм дәүләт реестрына кертү эшен оештырды.

Ачыкланган хокук бозуларны бетерү табигатьне саклау прокуратурасы контролендә тора.

Соңгы яңарту: 2022 елның 21 марты, 22:04